«РУХАНИ ҚАЗЫНА – 2020» – ҰЛТТЫҚ МҰРАЛАР ҰЛЫҚТАЛАТЫН АЛАҢ Бүгін елордада Мәдениет және өнер саласы ұйымдары мен қызметкерлерінің III-ші республикалық «Рухани қазына – 2020» байқауы басталды. Биыл елдегі эпидемиологиялық жағдайға байланысты байқау онлайн форматта өуде. Үшінші рет ұйымдастырылып отырған байқауға мемлекеттік музейлер, кітапханалар, мәдениет үйлері мен ауылдық клубтар қатысуда. Өңірлерде іріктеу кезеңі 14 қыркүйекке дейін өтіп, үздік шыққандар республикалық кезеңге жолдама алған болатын. Ал, республикалық байқау бүгіннен басталып қыркүйек айының 30-на дейін жалғасады. Қазылар алқасының мүшелері екі күн бойы онлайн форматта қатысушылардың еңбектерін бағалайды. Әр сала бойынша іріктеу жұмыстарын бағалау тікелей эфирде көрсетіледі. Мысалы, кітапхана саласы бойынша ҚР Ұлттық академиялық кітапханасының, музей саласы бойынша Ұлттық музейдің, ал, мәдениет ұйымдарының үздіктерін анықтау «Қазақконцерт» мемлекеттік концерттік ұйымының Facebook парақшаларында тікелей эфирде өтеді. Республикалық кезеңге қатысу үшін еліміздің 17 өңірінен 180-нен астам өтінім келіп түсті. Соның ішінде кітапхана саласы бойынша – 80 өтінім, музей ісі бойынша – 42 өтінім, мәдениет үйлері, клубтар саласы бойынша – 60 өтінім. Ал, жеңімпаздарды марапаттау рәсімі 7 қазанда Нұр-Сұлтан қаласында эпидемиологиялық жағдайды ескере отырып, онлайн форматта немесе карантин талаптарын сақтай отырып тек қана жеңімпаздардың қатысуымен Қазақстан Республикасының Ұлттық музейінде өтеді деп жоспарлануда. Марапаттау рәсімі ҚР Мәдениет және Спорт министрлігінің Youtube, Facebook ресми парақшаларында тікелей эфирде көрсетіледі. Бабы мен бағы қатар жанған таланттар арнайы дипломмен және қаржылай сыйлықтармен марапатталады.

ХІХ ғасырдың аяғынан бастап Қазан қаласынан бірсыпыра қазақ кітаптары жарық көрген. 1880 жылы алғаш рет «Өсиетнама» деген атпен Қазан қаласынан жыр кітабы жарық көрген ақын Дулат Бабатайұлы. Қазақ ауыз әдебиетінің көрнекті өкілі Дулат Бабатайұлының (1802 жылы на қарасты Аягөз ауданы Сандықтас қонысында туған – 1874 жылы қайтыс болған) өлеңдері ел ішіне ауызша және қолжазба түрінде таралған. Ақынның кейбір өлеңдері кеңес дәуірінде әр түрлі хрестоматияларда «XVІІІ-XІX ғасырлардағы қазақ ақындарының шығармалары» (Қазақ КСР Ғылым академиясының баспасы, А., 1962) деген жинақта, кейін «Үш ғасыр жырлайды» (А., 1965) жинағында басылып шықты. Ал атақты «Еспембет» поэмасы алғаш рет 1957 жылы «Жұлдыз» журналының 5-нөмірінде жарияланды. Дулат шығармаларын барынша зерттеп, жинап баспаға әзірлеген белгілі ғалым Құлмат Өмірәлиев болды. Ақынның жеке жыр жинағы «Замана сазы» деген атпен 1991 жылы жарық көрді. Дулаттың өлең-жырларының басты сарыны – ХІХ ғасырдың алғашқы жартысындағы ресей патшалығының отаршылдық әрекеттеріне рухани қарсылық. Бүгінде ұлы Абайдың ұстазы деп аталып жүрген Дулат өлеңдерінде жаңашылдық, өз заманының күрделі мәселелеріне үн қатып адамды ойландыру, келешек заман туралы толғау сияқты жыраулық поэзияға тән озық қасиеттердің бәрі бар. М.Әуезовтің атақты «Абай жолы» романындағы суреттелетін Барлас ақынның прототипі – Дулат ақын.

“Абай” ақпараттық-мәдени орталығы ашылады. Бүгін қазақ халқының ұлы классигі Абай Құнанбайұлының 175 жылдығын мерекелеу аясында Қазақстан Республикасы Мәдениет және спорт министрлігінің қолдауымен Ұлттық академиялық кітапхана Қазақстан Республикасының Біріккен Араб Әмірліктеріндегі Елшілігінде “Абай” ақпараттық-мәдени орталығын ашады. Бұл осымен 34-і орталық!

Мұқаба
Авторлар: Жүсіпов, Берік
Ойтұмар : Әдеби-көркем сын, эсселер мен сұхбаттар Жүсіпов, Берік- Алматы : ARNA-B, 2009 . – 978-601-80025-8-8 (т. 3)(мұқ.), 978-601-80025-7-2 3-том .– 290, [5] б., портр. .
Тақырыптық айдарлар
Қазақ көркем очерктері
Аңдатпа
Берік Жүсіповтың бұл кітабына әдебиет пен өнерге қатысты әр жылдарда жазылған әдеби-көркем сын, эсселері мен сұхбаттары енді
Кілт сөздер
эпостану
эсселер
сұхбаттар
әдебиет тұлғалары
өнер тұлғалары
көркем сын

Хакім Абай

Мұқаба
Авторлар: Есім, Ғарифолла
Ұсынған: Қазақстан Республикасының Ұлттық академиялық кітапханасы (Нұр – Сұлтан қ.)
Хакім Абай / Есім, Ғарифолла, – Астана : Фолиант, 2012 . – 399, [1] б, портр. . – ҚР Мәдениет және ақпарат министрлігі, Ақпарат және мұрағат комитетінің “Әдебиеттің әлеуметтік маңызды түрлерін басып шығару” бағдарламасы бойынша шығарылды – – 978-601-292-582-1 (мұқ.)
Тақырыптық айдарлар
Құнанбайұлы шығармашылығы туралы әдебиеттанушылық зерттеулер
Аңдатпа
Абай Құнанбайұлының шығармаларындағы теңіздей терең ой, астарлы ақиқат, тылсым да тұңғиық сырлар туралы тұжырым-пайымдар жасалған