М.Жұмабаев атындағы Ақмола облыстық әмбебап ғылыми кітапханасы

«Автор және оқырман»жобасы.

Жобаның мақсаты: Елбасы Н. Ә. Назарбаевтың «Болашаққа бағдар: Рухани жаңғыру» мемлекеттік бағдарламасын жүзеге асыру, өлке әдебиетін насихаттау, Ақмола өңірінде жазушылардың, тарихшылардың, қоғам қайраткерлерінің өмірі мен шығармашылығын насихаттау, автор мен оқырмандар арасында байланыс орнату, өлкетану әдебиетімен қорды толықтыру.

Бурабай аудандық кітапхананың ұйтқы болуыменен «Автор және оқырман» атты жоба ашылды. Жобаға ақын Серікбай Әбілмәжін қатысып студент жастар мен кездесіп өзінің шығармашылығы жөнінде ойын өрбітті. Аталмыш жиынға елімізге танымал бірқатар ақындар қатысты. Аудиторияға жиналғандар ақынға өздерінің сауалдарын жолдап, тұщымды жауап алды.

Орталық аудандық кітапханада Бұланды ауданынан келген, ақын, журналист Жайнарбек Зандыбайұлымен кездесу кеші болып өтті. Кездесу кеші барысында автор өз шығармашылығын таныстырып, рухты өлеңдерін оқып, алғашқы қалам ұстаған жылдарынан бастап бүгінгі шығармашылық жолымен ой бөлісті. Ақынды қолдап келген кешіміздің құрметті қонақтары Бұланды мәдениет үйінің директоры, автордың өмірде де, өнерде де досы Сәрсекеев Ернұр Сағатұлы гитарамен әсем ән шашу етсе, Бұланды аудандық мәдениет үйінің директорының орынбасары Кенжеғалиев Әлішер Жәнібекұлы автордың «Ойнамаңдар» өлеңін оқыды. Автордың шәкірттері жас ақын Тілек Серік ұстазының «Рухым қайда?» өлеңін оқыса, Бергенбек Азатбайұлы арнау орындап, керемет кештің шырайын келтірді.
Рухани кеш өте әсерлі, тәрбиелік маңызы зор болды. Оқырмандар сұрақтарын қойып,автор мен оқырман арасында ерекше жылулық, өзара байланыс орнады. «Цифрлық Қазақстан» жобасы аясында авторлардың шығармашылығын сандық көшірмеге көшіру мақсатында авторлық келісім-шартқа қол қойылды.

Comments are closed.