«Шығыс Қазақстан облыстық Абай атындағы әмбебап кітапханасы» КММ

1.Сауле Досжан «Қасірет пен тағдыр» кітап таныстырылымы: тікелей эфир  Онлайн сұхбат барысында Сәуле Досжанға көрермен тарапынан көптеген қызықты сұрақтар қойылып, қазіргі таңдағы қазақ әдебиеті, балалар әдебиетінің қазіргі жай-күйі, жастар шығармашылығы, әлемдік классиктерден қандай авторлардың кітабын сүйіп оқитыны жайында ой өрбітті. Сәуле Досжан түрік жазушысы Орхан Памук туралы, оның жұмыс істеу стиліне, көңіл бөліп көп нәрселер үйренетін, көп оқу керектігі, постмодернистік стиль жайындағы ойларымен бөлісті.

2 .  «Жердің күн беті»: ақын Бақытжан Раисовамен  тікелей эфир Қазақ руханиятынынң бүгінгісі мен кешегісіне тоқталып, қоғамдағы кемшін тұстарын баяндап кітапхана оқырмандарына шынаайы жауап берді.

  1. «Туған өлкеміздің балалар жазушылары. Детские писатели родного края» жобасы.

Мақсаты – балалар жазушылары каталогын құрастыру және ОБЖК қорын шығысқазақстандық авторлардың әдеби шығармаларымен толықтыру.

Міндеті:

  • шығысқазақстандық балалар жазушыларын іздеу және олармен тікелей байланыс орнату;
  • баспалармен байланыс орнату, оларды ОБЖК қорын толықтыруға ықпал етуге тарту;
  • «Авторлық және сабақтас құқықтар туралы» заңның аясында құжаттарды цифрлау және ОБЖК пайдаланушыларына арналған электронды каталог құру.

Жобаның қысқаша сипаттамасы:

Балаларға арналған әдебиеттердің өлкетану қоры нашар толықтырылатындықтан, «Мәдениет туралы» заңының облыс кітапханаларына арналған міндетті дана туралы бабы жұмыс істемейтіндіктен, оны толықтырудың балама жолдарын іздестіру қажет. Қазіргі уақытта қорды өлкетану басылымдарымен және республикалық әдебиетпен толықтыру біздің жұмысымыздың басты бағыттарының бірі болып табылады. Өлкетану материалдарының бай қоры кез-келген қазіргі заман кітапханасының мәдени байлығы болып саналады.

Жоба аясында жас оқырмандар кітапханада өткізілген кездесулер, тұсаукесерлер, дауыстап оқулар арқылы жазушылардың шығармашылығымен танысады. Атап айтсақ 19 ақпан күні Шығыс Қазақстан облыстық балалар және жасөспірімдер кітапханасында жоба аясында «Выбери себе Вселенную» атты шарада Өскемен қаласының балалар жазушысы Яна Абдеева  №10 мектептің 5-сынып оқушыларымен кездесті.

Жазушының «Истории из жизни медвежат-путешественников» фантастикалық роман-ертегісінен алынған үзінді бойынша көрсетілген театрландырылған қойылым қонақ үшін күтпеген тосынсый болды. Кездесу қызықты сұхбат түрінде өтті: оның шығармашылығына қызыққан балалар авторға түрлі сұрақтар қойды. Шара барысында Яна Борисовна оқырмандармен қазіргі заманғы балалар әдебиеті, біздің планетамыздағы өмір жайлы ой-толғаныстарымен бөлісті, өлеңдерін оқыды. Кітап көрмесінде фэнтези жанрындағы қазіргі заманғы балалар әдебиеттері, сондай-ақ Яна Абдееваның өзінің салған суреттері қойылған. Шараға қатысушылар жазушыдан жағымды қуат пен қолтаңба алды.

Алдағы уақытта балалар жазушыларының шығармаларын жинақтап, кездесулер ұйымдастыру жоспарлануда.

Comments are closed.